當年今日
關於我們

告地產代理擅登相 蘇永康想「尊貴高層」道歉

蘋果日報 2014/02/20 06:00

蘇永康香港地產監管局

蘇永康(康仔)喺前年搵地產代理薄扶林碧瑤灣逾1,500呎嘅物業放租,事前聲明嚴禁拍攝有關單位,但最後物業相片喺某地產刊物出現並放盤,當時康仔要求地產商登更正及道歉聲明不得要領,最後向香港地產監管局投訴,今日終於得到結論。

康仔於今日下午5點幾同母親同於灣仔現身,送完母親上車後,康仔對事件作出交代:「其實係件好小嘅事,唔好意思勞煩到大家,因為件事關乎公平同原則,對於要一個打工仔要面對呢件事,同我79歲嘅阿媽要作供,都係非常於心不忍。」

佢透露地產代理巳承認第一條罪,喺冇簽相關文件下入屋拍攝,第二條係未經佢授權下影相,康仔話:「第二條要等21日後先有判決。」

蘇永康表示對判決滿意,但覺得嗰間地產公司嘅尊貴高層更應負責任,佢話:「當時嗰個尊貴嘅高層曾經話有錯就會認,我好希望佢在其位、做其事,承擔返責任,若然佢同我道歉,我會接受嘅。」被問花咗幾錢律師費?康仔坦言:「要唱半年歌或者唔買衫半年囉。」