修夫基賣花讚花香 「英格蘭硬嘢嚟㗎」
英格蘭世界盃國際足協世盃FIFA修夫基世盃決賽周2018俄羅斯世界盃世盃決賽周抽籤
英格蘭代表隊領隊修夫基喺2018俄羅斯世界盃決賽周分組抽籤前夕話,無論面對乜嘢球隊都好,英格蘭喺出年夏天嘅世界盃都會係非常危險嘅對手。
英格蘭喺今次抽籤同2010世界盃冠軍西班牙一樣,都係第二級別球隊,但佢相信三獅兵團對住任何對手,都會係一個麻煩。被問到覺唔覺得英格蘭係大家都想避開嘅第二級別球隊嘅時候,修夫基話:「或者西班牙會有嘢想講,我哋都會估計到邊啲球隊有能力贏冠軍,但同樣地,其他球隊望住英格蘭都會覺得我哋係一直進步緊。佢哋知道英格蘭或者經驗唔多,但對任何對手嚟講都係好危險嘅。」
英格蘭代表隊喺2016歐洲國家盃16強輸俾冰島出局,另外喺2014世界盃踢三場分組賽只係拎到一分,踢完分組賽就執包袱。
--------------------
係你!打造星級球隊,征服各地聯賽!立即加入『BFB CHAMPIONS 2.0』! http://bit.ly/2xrTKGM