二戰後,蘇聯突然發覺自己最大敵人嘅源頭,已從歐洲變成花旗國。角力場地由自己周邊地方,一下子擴大至全世界。蘇聯領導知道要喺世界呢個舞台贏,就要得海洋控制權,或起碼唔畀花旗國玩晒。所以決定可以射導彈嘅潛艇,係保國唯一出路。
因地理問題,唔好話潛艇隊,蘇聯當時連海軍都冇乜,根本冇「行內人」去設計新潛艇。咁點呢?蘇聯搵咗設計米格戰鬥機班「外行人」去設計潛艇。
當時無論咩國嘅潛艇設計,都係抄第一次世界大戰德軍UBoat潛艇。不過蘇聯班設計師冇包袱,重新諗點做,炮製出順水好多嘅「淚珠形管道」設計,外行人改變咗潛艇嘅形狀,令蘇聯潛艇被各國尊重。
如果歷史改寫又點?假設蘇聯總書記都好信「潛艇係唯一出路」論,亦肯傾國傾城去做,落order要喺某時限內見到隊潛艇每日發射40枚導彈。