不少女藝人為了擔任纖體代言人，事前刻意谷肥自己。身形向來如蜘蛛、手腳纖幼但有肚腩的關寶慧，昨日以纖體公司代言人身份出席活動，便露出三十四吋「豬腩肉」，相當嚇人，相反另一代言人原子金惠則弗到漏油。

原子鏸和關寶慧齊為「貴族纖形」擔任代言人，昨日二人出席在上環舉行的記者會。瘦身成功的原子鏸，以35C、24、36的身材及「港版羅拉」的打扮現身，而同樣打扮的關寶慧，則甚嚇人。

盼變成蜜蜂
關寶慧一身背心短褲，露出了三十四吋「豬腩肉」，實在勇氣可嘉，而在現場記者一片嘩然聲中，她亦面露尷尬神色，不過她表示今次所收的酬勞，足以彌補心靈所受的創傷，她更否認因接受了這次代言人工作而刻意增肥，她說：「我以前已經有個花名叫蜘蛛，手腳瘦但個肚就好大，希望做完瘦身之後可以變成蜜蜂啦！」
關寶慧續說：「政府都有話要預防非典型肺炎，唔好同人分享飯盒，加上呢排皮膚敏感，食藥增加食慾，變成𠵱家咁嘅身形，真係好肉酸，見到自己咁樣都想嘔，希望可以喺一個月之內減十五磅，到時就可以着三點式泳衣出鏡。」

滿意唔太瘦
身形好弗的原子鏸則說：「我對𠵱家嘅身形好滿意，媽咪同男朋友都話太瘦會唔靚，所以我會keep住呢個身形，身材好咗，希望可以有多啲戲拍，做打女都唔錯。」
採訪：魯萍　攝影：陳慧安