譚詠麟（阿倫）昨日在屯門舉行簽唱會，談到陳冠希突然延期返港，身為演藝人協會會長的阿倫說：「我噚日喺電視睇到林建岳講啦，佢好𤷪𤺧嘛。」問他是否認為陳冠希應及早回港交代？他說：「梗係應該返嚟一次過講清楚，亦要面對啦，唔好去咗美國做西人至得㗎，香港都係西洋混雜嘅地方，受西洋文化影響，但佢都應返香港解釋，唔應該留喺美國做一個西人。」

勸阿嬌毋須介意

談到觀眾反對鍾欣桐出席無綫《雪中送暖》節目，阿倫說：「一單還一單，我覺得家長對佢有某啲感覺，但件事要等佢過去，路始終要行，佢今日唔出，遲啲都要出嚟做嘢，𠵱家風頭火勢，大家先有咁嘅感覺，當日阿嬌咁勇敢出嚟講嘢，唔應該再介意人哋點睇佢。」至於有網民指不要這種藝人，阿倫說：「每個人都可以表達意見，香港係民主嘅地方，表達唔代表主流。」此外，問到阿倫之前情人節如何過，他說：「新年喺屋企賭魚蝦蟹。」有否送禮給兒子曉峰的母親（女友Wendy）？阿倫說：「情人節有關嘅都有份，包括阿媽都有禮物。」
採訪、攝影：魯萍