今日麥貝夷都有到柴灣，為音樂劇《萬花嬉春》綵排，但卻遲大到。問到麥貝夷遲到，佢解釋噚日先知綵排時間：「好早之前已經約咗髮型師處理今次演出嘅造型，所以同劇團講咗我會遲啲到。」

講到佢早前以「狗公」同「長時間用下體諗嘢」來暗示「八折的」司機對佢性騷擾，但就被網民笑佢曲線讚自己靚，麥貝夷事後喺fb為用詞不當致歉外，仲自爆情緒病復發。今日問佢情緒如何？佢話：「OK，多謝關心。好多人都有問候，依家好好多。」

那是否需要服藥？麥貝夷就話：「唔使，之前有情緒病，我相信遇到好突發嘅事，都會係好擔心同好驚，嗰件事發生咗，我都發咗幾晚噩夢，媽咪都有陪我瞓。」佢又話今次係個別事件，所以冇睇醫生，更謂身邊有朋友支持係遠勝過食藥：「當時我食咗一個月藥，食完之後，身體都要時間適應，其實會幾暈同呆滯，我唔係太想影響自己工作，所以呢件事上，自己係有成長，好想對所有關心我同被我嚇親O既朋友講聲對唔住。」佢覺得今次喺用詞方面有啲失儀，處理不當。


識睇，一定係睇足英台【英波Live】：

http://soccer.appledaily.com
http://bit.ly/engballlive