韓國天團BIGBANG嘅29歲成員T.O.P本月初被爆喺寓所吸食大麻，因而遭檢方處以不拘留起訴，案件於今早香港時間10時30分進行一審，因案件屬刑事案，所以T.O.P必須上庭作證。

至於BIGBANG隊長G-DRAGON(GD)日前先後喺澳門及新加坡舉行其個人演唱會，佢喺台上以唔同名牌靚衫示人，GD一向被公認係潮流達人，經常見佢着上貴價嘅服飾，而且GD身形瘦削，不時被發現佢身穿女裝品牌。就好似之前佢為雜誌《ELLE》拍攝時就着過一件白色外套，近日就被發現佢與同門師妹團BLACK PINK成員Jennie撞衫，不過兩人就完全唔同風格。

據知呢件外套係品牌CHANEL 2017 Métiers d'Art Collection嘅商品，售價為1,138萬韓圜(約77,593港元)。當時模特兒示範時喺入面配咗同一set嘅上衣及短褲，僅扣咗一粒鈕顯腰身，而GD影雜誌時就只係身穿外套，入面咩都冇着，下身搭配一條藍色鬆身褲；至於Jennie上周三現身品牌活動時，就將外套當連身短裙着，大晒美腿。