陳法拉前夫、Neway大少薛世恒今日現身圓方出席腕錶概念店活動，同場仲有廖子妤、余香凝、陸漢洋等。薛世恒宣佈正式加入娛樂圈，仲透露好多電影拍攝工作聯絡中，但暫時未可以公佈，佢希望角色做一個同自己相反嘅人。

問到若同前妻陳法拉合作，佢話唔介意，主要睇對方，都要睇吓有冇人搵。講到拍攝電影底線，男人都興祼露晒肌，佢講笑話心口以上：「暫時冇呢種製作搵我，相對我比較保守，唔會跟潮流，自己都有操開，唔可以太大隻，如果唔係只可以做大隻佬角色，我鍾意鋼條形slim啲。」