【感情冇着落】30歲何珮瑜自嘲年紀大 雪卵攞保障
蘋果日報 2019/09/18 17:51
何珮瑜雪卵
（攝影：羅慧敏）
何珮瑜（Jeana）今天到新城電台宣傳電影《不義之戰》，她表示戲中飾演女警，是入行打得最多的一次，Jeana說：「套戲係上年8月拍嘅，夏天好熱，我嘅戲服係皮褸長褲加boot，每日都用汗嚟洗頭 ，日日都好似關公咁，塊面紅晒。」
Jeana又指拍打戲拍到內傷，曾經有一場戲要扮臥底打至內傷，她說：「因為啲衫包到實，冇明顯傷痕，但係拍臥底嗰場戲，返到去刮痧有半邊身呈深紅色，真係內傷。」她又笑指趁自己有氣有力，要多嘗試不同戲路，而今次卻鮮有不用性感演出，她笑說：「都OK呀，可能覺得我年紀大喇，行唔到性感，我30歲喇，每個年紀都有佢嘅階段同埋思想，自己鍾意拍多啲成熟嘅戲路。」問到揀男友是否也要夠成熟？Jeana說：「係㗎，唔想出到嚟似細佬咁。」至於問到感情有着落嗎？Jeana則說：「梗係冇，唔緊要慢慢嚟，我可以去雪卵先，我都諗過㗎，一得閒就會去，休息嘅時候可以去，對女性嚟講係有個保障。」
採訪、攝影：羅慧敏
何珮瑜表示一有時間就會去雪卵。