阿好飛上枝頭變孔雀
湯盈盈攞硬配角獎

蘋果日報 2005/11/18 00:00


湯盈盈在劇集《阿旺新傳》中飾演醜女阿好大獲好評,在明晚舉行的《萬千星輝賀台慶》中,有份角逐「最佳女配角」的盈盈得獎呼聲甚高,她決定台慶夜擺脫醜女形象,回復索女真身。
無綫近日播出的三線劇集中,《阿旺新傳》可說是獨佔鰲頭,上周平均收三十四點(約二百二十三萬觀眾),最高收視更達三十七點(約二百四十二萬觀眾),而由湯盈盈飾演的醜女阿好更贏盡口碑。
在明晚舉行的《萬千星輝賀台慶》中,憑阿好一角角逐「最佳女配角」的湯盈盈成為頂頭大熱。盈盈日前到銅鑼灣揀選台慶夜戰衣時,她表示對獎項不敢抱太大期望,不過有幸角逐「最佳女配角」,盈盈當然悉心打扮。
睇好蘇玉華
穿上三套不同款式晚裝的盈盈表現得甚為雀躍,她說:「三套之中,我只會揀一套喺台慶當晚着,孔雀嗰套都幾型,不過又驚誇咗啲,我呢啲小角色,多數會揀番黑色嗰件,好似簡單得嚟幾grand(華麗)!」
問盈盈心目中的最佳男、女主角是誰?她說:「男嘅都係睇好郭晉安,初頭好多人都懷疑佢喺古裝做儍仔成功,但唔知時裝得唔得,𠵱家收視咁好,證明佢真係掂。女嘅就會揀《奪命真夫》嘅蘇玉華,我不嬲都好欣賞佢,之前亦都有睇佢做舞台劇,佢喺呢套劇嘅角色情緒變化好勁,𠵱家有機會同佢合作拍《非常大狀》,我都覺得好幸運。」
empty
盈盈仍未揀到心水戰衣,不過她較喜愛這套黑色晚裝,簡單大方。
SPY皮草披肩$8,800
黑色晚裝$2,998
長靴$1,898
empty
SPYHalterdress$4,998