改編自迪士尼經典童話嘅電影《仙履奇緣》（Cinderella）叫好叫座，香港同美國開畫周末票房都奪得冠軍，全球票房仲已經衝破一億三千萬美元（約十億港元），成績好好，不過原來喺戲中扮演王子嘅RichardMadden，演出前及演出時竟然要顧住自己下體，以免破壞小朋友嘅童話世界喎！

Richard日前接受名嘴JimmyKimmel訪問，自爆因為要住着代表純潔嘅白色褲，但又費事透視兼激凸，結果搞嚟好多麻煩，佢開拍前要着於白色緊身褲入面再着打底褲不停試，佢話：「我們用咗兩日做實驗，我要試着唔同嘅緊身褲，睇睇白色褲喺鏡頭入面有冇穿幫透視。」而拍攝嗰陣，Richard又話不時有道具或其他人做檔箭牌，遮住下面喎。