照顧問題家庭孩子的聖基道兒童院資源發展總監曾淑英則指出，即使是患有過度活躍症的兒童，院方也不會使用鐵鏈約束：「我哋嘅做法係睇緊啲，拖得實啲，如果媽咪一個人驚睇唔實兩個小朋友，最好搵多一個親友幫手。」
有街坊形容鐵鏈媽媽貌似新移民，浸大社會工作系副教授趙雨龍認為，如果該名母親是剛抵港的新移民，反映出中港兩地文化差異：「其實內地近年推行一子政策，啲父母更加愛惜子女，相信唔會太多人用咁嘅方法湊仔女。」他相信該名母親來港前並無參加內地社福單位的預備班，故此不理解本港民情。
社區組織協會社區幹事施麗珊對有父母以鐵鏈綁着子女出街感到驚訝，「咁誇張都係第一次聽。」她表示，中港兩地存着很大社會文化差異，很多新移民父母抵港後並不了解本港社會民情，「最常見係隨街踎，又或者問嘢好直接，乜都問到篤。」