【新增內容及圖片】
韓國男神宋仲基日前先度過33歲生日，不過佢就出名有愛心，趁生日前仲忙於做善事。

宋仲基日前(14日)就到天主教大學首爾聖母醫院探訪一名天生就沒有鼻子嘅11歲蒙古小朋友尼爾古伊，原來宋仲基五年前已探訪尼爾古伊，當年尼爾古伊因為天生沒有鼻子，就喺2013年喺韓國接受咗當時嘅3D列印技術來製作人工構造鼻移植手術。而宋仲基作為韓國保健產業振興院嘅醫療宣傳大使，佢早於當年就探望過尼爾古伊，並祝賀對方手術成功出院返回蒙古。

不過因為近日尼爾古伊要返韓追蹤住人造鼻嘅情況，所以又由蒙古飛到韓國，宋仲基得知消息後，日前亦突然到訪醫院，與尼爾古伊見面。兩人事隔5年再見，宋仲基關心對方有冇好好返學，同時亦十分關心佢現時嘅健康情況，並鼓勵對方：「能咁樣再次見到你真好，你之後都要堅持配合治療，亦希望你能健健康康地同朋友度過校園時光。」

另外，今日播出嘅KBS綜藝節目《不朽的名曲》中，當中喺神劇《太陽的後裔》中飾演布萊克村莊少年嘅Joeljin Nwamadi就同家人一齊上咗節目，喺節目中被問到拍《太陽》時幸唔幸福時，Joeljin Nwamadi有幸被女神宋慧喬有對手戲而直言好幸福，即時引發全場笑聲。

精選韓流，喺晒《娛果》
http://fb.com/appledailyent