今個月有唔少韓劇出籠，好似由型男擔正嘅三齣新劇將於下周首播，當中包括現年41歲嘅宋承憲，孖女團f(x)23歲成員Krystal合作嘅OCN新劇《Player》，《Player》將於下周六首播。而40歲蘇志燮孖鄭仁仙主演嘅MBC新劇《我身後的陶斯》就會同39歲型男高修主演嘅SBS《胸腔外科》於下周四同時段首播，到時唔知邊個會爭贏收視呢？

而今日《Player》同《胸腔外科》就率先舉行發佈會為新劇造勢，宋承憲穿上一身白色西裝及白色長褲，變身做白馬王子，至於Krystal亦刻意以一身黑色打扮來襯宋承憲，兩人一黑一白，十分合拍。由於Krystal唔笑嗰陣個樣就好cool，所以都有「冰山美人」嘅稱號，不過宋承憲就表示，實際與Krystal見面及合作後，唔覺得對方好cool，所以覺得佢好似少女咁天真爛漫。而Krystal就坦言，因為劇中得佢一個女仔，一度擔心過，但拍攝現場氣氛好好，幾位oppa都好照顧佢。

另外，《胸腔外科》嘅高修、嚴基俊及徐智慧今日亦現身發佈會，為劇集造勢。

更多韓流，喺晒《娛果》
http://fb.com/appledailyent