今日6月30日係香港殿堂級樂隊Beyond主音黃家駒逝世25周年，依然有不少樂迷無懼烈日當空，去到將軍澳華人永遠墳場家駒墳前拜祭，正午時分家駒墳前已經聚集咗數十名歌迷，有來自香港、大陸及外國，當中大陸歌迷佔較多數，佢哋都帶同家駒生前最喜歡飲嘅可樂，仲有鮮花、食物、生果同香煙拜祭。

歌迷喺家駒墳前掛上寫有「追憶黃家駒25載」嘅橫匾，有歌迷向家駒上香、有歌迷播放普Beyond歌曲一邊播一邊跟著唱，氣氛平靜。其中少有地出現一位外籍男士Jonathan，佢話自己來自南非現居上海，早喺12年前唔少中國朋友介紹佢聽Beyond：「《光輝歲月》是我第一首接觸Beyond的歌，因為歌曲內容提及曼德拉，而我來自南非，聽到後感覺好親近。」

Jonathan稱透過朋友替佢翻譯Beyond嘅歌詞，讓佢明白歌曲意思，最喜歡嘅歌係《海闊天空》，佢話：「 而今天是一個Special Day，第一次來到這裏，見到大家跟我一樣相當懷念他。」

現場有另一對Jonathan稱透過朋友替佢翻譯Beyond嘅歌詞，周生話已經係第十年嚟到家駒墳前拜祭，自己喺1999年係無意中接觸到Beyond歌曲後就愛上，仲話起初都唔知道原來家駒過咗身，幾經查證下先肯相信：「往後無論黃貫中、黃家強及葉世榮嘅表演，我每次都有去睇去支持。」

此外，現場亦有今年首次出現嘅歌迷同樣來自深圳，佢哋話係透過朋友介紹認識Beyond同佢哋嘅音樂，趁住今日係一個值得紀念嘅日子，特登嚟到香港拜祭家駒。

今日係黃家駒逝世25周年紀念，當年佢Beyond隊友黃貫中(Paul)同葉世榮，今日都有喺微博悼念故友，Paul話:「二十五年了，誰說日子會冲淡一切，而且愈來愈濃厚，再也等我一吓吧。 」世榮亦貼上4枝蠟燭，估計以示佢對家駒嘅懷念。

精選娛聞，喺晒《娛果》
http://fb.com/appledailyent