【《藍海》新預告】會唔會搞破壞?李熙俊發現全智賢人魚身份
李敏鎬全智賢藍海傳說
由韓國女神全智賢、「長腿Oppa」李敏鎬主演嘅SBS劇集《藍海傳說》將於後日播出第14集,劇組今日就公開咗預告。
預告片中,李敏鎬感到疑惑,點解佢同全智賢會再次喺現代見面,所以去搵教授接受催眠,搵出消除與成東日嘅孽緣,以及保護全智賢嘅方法。隨後李敏鎬同全智賢拍完拖返屋企,唔知兩人途中係咪嗌咗交,兩人都嬲爆爆咁,李熙俊見到咁嘅場面就好開心,搞到全智賢勁不滿。
鏡頭一轉竟然見到成東日出現喺教授面前,到底兩人有咩關係?而預告片最後,因為屋企冇人,全智賢再次喺室內游泳中變返人魚,點知就畀李熙俊見到,劇情十分緊湊,令粉絲都擔心李熙俊因為唔鍾意全智賢而大搞破壞。