原名《SUNNY》嘅韓國電影《陽光姊妹淘》上映時大受歡迎，日本有片商亦購下版權在上年宣佈翻拍，起用日劇天后篠原涼子擔任成年版女主角奈美，而友坂理惠、小池榮子、渡邊直美、板谷由夏就扮演其好姐妹，而19歲嘅廣瀨鈴就扮演奈美嘅少女時代，電影安排8月31日在當地上映。

日版《陽光姊妹淘》甫開拍即鬧出易角風波，片商亦一直未有公佈其他演員名單，雖然上年底已有人目擊大隊於埼玉縣、橫濱伊勢佐木町商場及東京板橋區等地取景，更有人發現三浦春馬都有份演出（新聞連結 http://bit.ly/2IESRkd），與廣瀨鈴有街頭對手戲。今日，片商正式公佈三浦春馬會在片中扮演廣瀨鈴嘅初戀情人，由於兩人嘅戲份屬於90年代，所以形象方面都十分復古，鈴妹同班同學仔都穿大象襪以當年嘅辣妹look上陣，而三浦春馬嘅長毛大學生造型都已曝光，其他男演員仲有Lily Franky、新井浩文及矢本悠馬等。

精選娛聞，喺晒《娛果》
http://fb.com/appledailyent