今年香港國際賽塵埃落定，結果港隊代表「時時精綵」、「歡樂之光」、「紅衣醒神」及「美麗傳承」包攬四項國際一級賽桂冠，後兩駒均成功衛冕，從中更見證同屆國際賽歷來首次由主隊馬食出大四喜，寫下光輝一頁。

不過在討論區關於今屆賽事水準的情況，卻引發一波爭論。有馬迷認為今屆國際賽，外隊代表皆是國際間二、三線馬，頭馬水準成疑；亦有反對意見，表示今屆水準不低，港隊馬大獲全勝難能可貴。你哋又點睇呢？

部份網民意見：

天外XXXX：香港一哩錦標其他同場馬嘅演出非高，「川河尊駒」可以跑入第三就知；香港瓶由非大長途王者級嘅「時時精綵」勝出，證明今屆香港瓶嘅水準並非太高；香港盃由起碼目前唔係馬王級的「歡樂之光」贏甩一個馬位，場地唔快之助，令日本隊後上馬有所影響。

喜悅XX：「美麗傳承」勁到XX就唔使講，但後面係「強擊」、「川河尊駒」、「美麗大師」，戲碼有幾弱唔使點講。

him1985XXXXXXXX：以前人哋好勁，香港好難贏嗰時先好睇，一贏左（咗）全場歡呼，鋤強扶弱，我仲好記得2002年「奧運精神」、「更歡笑」、「計得精彩」贏三場嗰種震撼，第二日係即時買2（兩）份報紙睇馬經版。今時今日，贏好似係應份。

LomondXXXX：日本來港嗰堆水準唔低，短途、一哩及成年雌馬組別應係最好一批；哩半（2400米）歐洲組別只係無「高地之舞」級數來港，其他歐洲馬還可以，正常計歐洲二三級賽水準夠用有餘。

hongXXX：同以前外隊馬爭（差）啲，水準也只不過是和日本鬥！我很同意自從冇咗世界錦標巡迴賽後，已沒有超級馬王來香港。短途冇咗澳洲隊，又係爭（差）啲。陣營方面藍營唔再支持，你想再見「奇異光芒」、「威滿蹄」、「威武神駒」等級數（嘅馬）好難了。法國隊又冇以前派嘅那些「萬千景象」、「飛雪仙縱」。總結今年在我而言水準一般。

bigXXXX：日本雌馬除馬后「杏目」外，「雍容白荷」已是最強。

LemonXXX：水準不敢說很高，但一點也不低。以一哩錦標為例，除了「雲絲仙子」，邊隻馬可以實牙實齒話贏硬「美麗傳承」？日本最好嘅兩隻一哩馬亦已來港。短途方面，歐洲知道唔夠跑而唔黎（嚟）居多。看看莫雅叫「舞蹈狂」練馬師唔好浪費時間便可見一斑。