今日大家睇到特首林鄭月娥被連串示威活動搞到失魂落魄，都唔似香港特首，大家千祈唔好話林鄭，以一個手下無兵無將女人仔可以捱到今日，結局無論是如何，我認為她已經贏了，有人唔明白林鄭是香港特首，點解我會話無兵無將，老實說，香港有很多公務員，但不是屬於林鄭，即使由她精心挑選，都不一定效忠於她，所以，我認為在人事任命方面，她絕對是一個失敗者。

林鄭上任後不久，便搞了一個土地供應專責小組（暱稱搵地小組），搵黃遠輝做主席，有30個成員，每一位都是猛人，以18個月時間找出搵地方法，其實了解地產行業的人知道，這是一套大龍鳳，如果政府官員搵唔到地，非官方的搵地小組又如何有能力搵地，結果都是搵唔到地，大家預計到結果，樓價又怎會不升，這個結果與林鄭的意願相反，或者黃遠輝沒有按照林鄭的意願去搵地，由此可見，林鄭手下的確無兵可用。

林鄭究竟要主席做什麼，簡單一句，就是向地產商開刀，如果唔強行收地，根本不能夠解决房屋問題，但小組做了18個選項，始終避重就輕沒有說明應該向農地擁有者收地，由此可見，搵地小組唔想得罪地產商，林鄭無辦法，唯有親自出馬，在民望極低之下提出收地以及新樓空置稅，一來殺地產商一個措手不及，二來替自己沖沖喜，估計地產商最後都會屈服，房屋問題有機會解决，但樓價就應該會下跌，以小型單位的跌幅會最大。

湯文亮
---------------------
兩次聚會 六大名家
分享長中短投資部署
立即點擊參加
蘋果動新聞 x 瑞萬通博【亂市投資攻略】
活動詳情： https://bit.ly/2lMN6tE
-----------------------------
基金資料大集合 一書幫你贏盡強積金
點擊即睇《贏盡強積金》電子書