【新增影片】
正所謂敵人嘅敵人就係朋友，既然巴塞隆拿冇份爭奪今屆歐聯冠軍，加泰隆尼亞電視台一樣要發功，寧願同死敵皇家馬德里「攬炒」！加泰隆尼亞電視台TV3日前發佈一段直播周六歐聯決賽嘅宣傳片，例牌都係剪吓兩隊晉級過程嘅精華片段，點知越睇越唔對路，點解皇馬將帥全部愁眉苦臉，祖雲達斯嗰邊就入波頻頻當正捧盃咁款？

其實聽埋旁白，你就知道TV3擺到明想燈死皇馬：「只有11人能夠逆轉不能避免嘅事情，11人準備改寫命運，將黑暗夜晚降於巨大嘅銀河艦隊之上。年輕人揮動魔術棒，身經百戰嘅老將們喝下長青之藥。整個歐洲，只有11人，能夠改寫歷史。」

歐聯決賽殺到嚟，想知兩隊更多分析，可以登入呢個網睇多啲﹕
http://bit.ly/2qEINm4