【珍寶舫停業】田啟文回憶拍《食神》星爺坐龍椅 薛家燕得悉停業好sad
蘋果日報 2020/03/02 15:50
周星馳薛家燕田啟文珍寶海鮮舫食神
位於香港仔的珍寶海鮮舫，今日宣佈停業，而這個香港著名旅遊地標，不單止吸引遊客光顧，早年更有不少電影在此取景。當中最經典一部，可說是周星馳旗下的星輝公司創業作《食神》，戲中有大部份場景都在此取景，令觀眾留下不少集體回憶。
當年有份拍《食神》的薛家燕，對珍寶海鮮舫停業，她今日回覆《蘋果》時說：「我喺嗰度拍過《食神》，今日聽到珍寶停業好可惜，都明白好難捱，冇人去，員工都要出糧，聽到呢個消息好sad，好多員工嘅家庭都會受影響。」問到家燕姐對珍寶海鮮舫那款食物有印象？家燕姐說︰「我食過佢嘅叉燒飯幾好味。」
至於當年有份擔當幕前和幕後的田啟文（田雞），談到珍寶海鮮舫停業，他不勝唏噓，他說︰「我自己都有去幫襯，之前知道佢哋cut人又放無薪假，早排去飲茶，得番8款點心。」談起當年拍《食神》的點滴，他說︰「嗰時係1996年，我哋嘅主場景其實喺太白海鮮舫，佢哋吉咗嚟畀我哋拍，象徵式收番水電，同埋留員工睇場，戲入面啲食物，我哋帶去但要借佢哋嘅廚房用，只係萬零元一日，唔算係場租，佢哋真係好幫手。」
至於在珍寶海鮮舫內一張如景點般的龍椅，戲中周星馳亦有坐上去拍，田雞說︰「係呀，珍寶個邊一路都做緊生意，所以我哋要攝時間去拍，通常都係開夜拍到天光。」他更謂理解近排因疫情影響飲食業生意，但這裏是不少香港人的集體回憶，希望疫情過後有機會重開。
《果GYM》隨身播 健身壹App過！
（資料圖片 / 影片截圖）
當年周星馳在《食神》中，亦有坐上珍寶海鮮舫的龍椅拍攝。（影片截圖）
薛家燕當年在戲中飾演評判。（影片截圖）
戲中谷德昭和周星馳對決的大場面，都在珍寶海鮮舫取景。 （影片截圖）
羅家英亦有份演出。 （影片截圖）
田啟文表示當年《食神》主景在太白 海鮮舫。（影片截圖）