眼睛是五官最重要的部份，特別是女生，動人的大眼睛，迷人的眼妝，統統都是女生必殺技，所以眼睛的護理就顯得好重要。市面上有很多眼部卸妝液，大賣無添加又或護膚功效，但實際功用唔試過始終唔知邊隻好，所以今日嚟個大測試，睇吓邊隻眼部卸妝液又掂又能呵護肌膚。

記者：林敏婷
攝影：梁細權
Makeup：Meegan
Model：Macy@PureModels

TestMethods（以★★★★★為最高分）
1.雞蛋試卸妝力

將同一支防水睫毛液搽上雞蛋表面，再以不同品牌的眼部卸妝液抹掉，睇吓邊隻抹得最亁淨。

2.驗油份度

滴2滴卸妝液於水裏，睇吓邊隻浮起的油份最多。

3.棉花試舒服度

將一塊沾有卸妝液的化妝棉敷上眼，睇吓有無唔舒服的感覺。

Results
卸妝力勁

賣點：水油雙層配方，採用跟防水睫毛液及眼線筆相同的油份，可卸除難落的化妝品，還帶玫瑰香氣。

卸妝力　★★★★★

兩三下已卸除大部份睫毛液，且不傷肌膚。

油份度　★★★★

滴2滴已充斥大部份水面，但感覺不太𣲷。

舒服度　★★★★★

一敷上眼感覺好凉好舒服，仲有陣陣玫瑰香味。

油份強可按摩

賣點：含葡萄籽和維他命E等成份，無酒精，還能當按摩油，具抗氧化和保持肌膚彈性功效。

卸妝力　★★★★

抹四五下後，睫毛液開始卸去一半。

油份度　★★★★

從水面可見有很多油份，皮膚亁爭爭嘅最啱。

舒服度　★★★★

無揦眼感覺，而且全無香料味。

當眼膜減眼腫

賣點：絕無油份，卸妝又可當急救mask用。只要把沾有卸妝液的化妝棉敷上眼2分鐘，可減眼腫及舒緩皮膚。

卸妝力　★★

抹咗四五下都只抹掉少少睫毛液，卸妝力屬中下。

油份度　★

雖標榜絕無油份，但滴在水中都見到一丁點兒。

舒服度　★★★★

感清爽，敷上眼仲有冰凉感覺。

保濕消炎

賣點：質感軟膏狀，有助保濕，提升彈性，消炎和促進血液循環。

卸妝力　★★

卸力麻麻，抹四五下只卸掉少許。

油份度　★★★

油份很高，滴一滴落水已經全部浮面。

舒服度　★

抹上眼好黏，兼且少少揦眼。

卸妝最弱

賣點：水油2合1眼部卸妝液，標明水份佔2/3，油份佔1/3，能護理亁燥肌膚，無香料無着色。

卸妝力　★

卸妝力最弱，似爽膚水多過卸妝水。

油份度　★★

標明只得1/3油，所以唔多油浮面。

舒服度　★★

無揦眼，感覺仲有點凉凉哋。

化妝師教卸除法

化妝師Meegan話卸除睫毛液正確方法，是以沾有卸妝液的棉花敷眼5-10秒，再把棉花放眼肚，以棉花棒由上排睫毛根部向下掃走睫毛液；再以棉花棒向眼尾掃走下排睫毛液。「好嘅眼部卸妝液應該能清除防水睫毛液，用後還要不太傷害肌膚，我比較喜歡Lancome和Chanel。」

Shoplist

Lola（28335157）
ettusais（25063180）
Aesop（25444489）
MARYQUANT（22657338）
ANNASUI（35807091）