古天樂今日到中環出席活動，古仔提到年卅晚後就可以收爐，休息一星期後先再開工，屆時會到劉青雲合作。古仔話農曆初一至初三要同家人拜年，笑言o依家仲係逗利是，有機會就逗吓啦！

至於施政報告，政府提到會與電影界合作， 在未來2至3年定期舉辦培訓課程，提供共200個學習名額，為電影業的製作和後期製作前線人才提供實務訓練或實習機會，並在未來3年每年資助10名電影後期製作人才往海外深造或實習( 新聞連結： http://bit.ly/2j8oUM9 )。

古仔稱香港電影業人材輩出，如果資助十個都只係一個起步點，希望之後可以再多啲，好似《樹大招風》都攞咗好多獎，呢部電影係新導演拍嘅，成績真係好優異，覺得政府真係要支持吓業界，希望將來可以擴大資助名額，資助亦要長遠去計算。