郭富城同熊黛林七年嘅「富黛戀」，喺4月中玩完，兩人分手後，城城就繼續買馬買車，Lynn就慘喇，7年青春換來兩手空空，真係頹爆。

今日有報道話，呢兩個星期以來，Lynn頻頻自己一個人去行街，一時就著到上圍逼爆、一時呢，就滿面油光兼爆瘡，疑似係內分泌失調。唔通因為心情未平伏？唉，愛林(黛林)嘅fans都叫你「該放手就放手吧」，何必咁樣對自己呢？

有記者即場問Lynn有冇同城城聯絡，佢先頭都唔回應，不過當再問到盛傳城城將佢隻駒:「愛將」，本來係命名為「愛林」，傳聞仲話城城諗住送俾佢。Lynn一聽到，即反應甚大:「佢唔會送嘢畀我!」根據報道嘅形容，Lynn講完就嬲爆爆鬆人喇...

個報道亦話，城城不時買禮物買玩具獎勵自己，所謂玩具即係車車同馬馬啦，現擁有法拉利同林寶堅尼超跑各三架，兩年前又買入「愛的呼喚」做馬主，早前又用成百萬買「愛將」；佢送畀Lynn嘅，呢七年來盛傳就有25萬MiniCooper，同兩隻白色北京狗。至於Lynn最近買嘅一個市值450萬於灣仔嘅400多呎單位，同80萬嘅RangeRover，都靠自己俾錢。

城城喺分手之後，呢頭話同Lynn仲係朋友，嗰頭又爆出「換鞋論」比喻同Lynn嘅戀情。報道仲話有傳城城連Lynn嘅電話號碼都要delete…按個掣好易，但要真正忘記一個人，絕對唔係撳個掣就得嘅……。