【逆權運動】直闖第一青年會義工團 福建怒漢喝令「閂門」困住記者
蘋果日報 2019/09/06 00:01
北角福建幫14k逆權運動無警時分元朗7.21恐襲
義工團董事邱宗源直認身上的紅衫是羅山派體育會送贈，與團練片(小圖)中人所穿的一樣。
8.5北角「福建幫」街頭亂打人反被擊倒，一度退守明園西街「香港第一青年會義工團」會址，留守會址的義工團董事之一的邱宗源拿出菜刀揮舞，氣氛緊張。《蘋果》在8.11遊行前夕上門找到邱宗源，他劈頭否認參與事件，但訪問期間一度怒火中燒，勒令手下閂門不准記者離開。
「我哋冇咁偉大衝出去打人，我哋責任係守住家園。」邱宗源雖然否認參與「8.5福建幫棍打示威者」，但卻顛倒黑白反指示威者追打街坊：「班人傻㗎，我聽晚（10日）拉閘添呀，門都唔開，（11日）都拉埋，買佢怕囉！」
記者拿出一段「紅衫軍團練」片向邱查詢，該片有網民指是福建幫吹雞復仇的「團練片」，片中一名身穿紅色T恤男子在北角碼頭揮舞長木棍耍招式，在旁至少30名紅衣男手持長木棍圍觀。此時，記者發現邱宗源身穿印有「羅山派體育會」的紅色T恤，正與片中男子的紅衫一樣，他直認不諱：「冇錯，呢件係我哋啲衫，人哋送嘅。」又指這些衫是羅山派體育會派的，「派咗好多衫畀街坊着住練」。
邱宗源看過短片後，又突然「起槓」指：「你（喺片中）有冇見到我吖？我除咗識揸火箭、揸飛機同埋揸槍之外，我乜都唔識（包括棍）。」又越講越勞氣：「我咁肥點揸棍呀！」
此時，會內10多名身形剽悍的鄉里突然呼喝記者拿出卡片，又問屬哪間傳媒，「如果唔係閂門呀！」但未等記者回應便大叫：「閂門呀，佢攞唔到記者證呀！」有人隨即關上大門，被困在會內的記者遞上證件後，邱宗源態度變得更為不友善，責斥「好多嘢都係記者作出嚟，搞大件事！」更不耐煩指：「（我講）你又唔信，問咁多嘢，唔係淨係我，好多人都有（紅衫）。」其後他已不欲多談，記者離開幸未被阻止，但卻見會內仍放有木棍，此時，一名鄉里即煞有介事說：「其實（持棍者）唔係我哋呢邊嘅人，佢哋走上嚟避，我哋都好無辜。」
你敢爆，我敢獎！ 立即WhatsApp《蘋果》24小時爆相爆片熱線 或致電：63836568
香港第一青年會義工團於明園西街的會址，被示威者打爆玻璃。