舊年熄機嘅亞視，將會以手機Apps同OTT平台復活，仲搵咗亞視舊將劉鍚賢回歸。

劉錫賢接受《蘋果》電話訪問時話：「其實我哋今次返亞視，冇乜嘢話指唔指望，咁梗係希望佢好啦，可以多一個俾我哋藝人多一個出路，咁演員藝人先可以多啲競爭力。但對我嚟講，都係打份工咁啫，特別係我哋今次返去，今次係以節目為主，係簽一個節目，暫時唔會牽涉到其他嘢，未正式係亞視嘅員工，只係一個節目主持人。我係可以去其他電視台做任何嘢。」

「今次係主持一個節目《今晚夜》，正式個名未知，一個禮拜五日，晚八點到九點，現場live嘅節目，五晚都唔同題材，有娛樂八卦消息，世界奇聞異事或者歌曲，再加上我做主持，我會同珊姐（朱慧珊）講下香港時事嘅嘢。」對於依家用晒無綫班底，劉錫賢話：「係呀，希望可以帶嚟一啲新嘅衝擊、新嘅希望啦。」

更多娛聞，喺晒《娛果》
http://fb.com/appledailyent