由韓國男神金秀賢、成東日及前f(x)成員Sulli主演嘅新片《Real》將於今個月28號上映，三人密密做宣傳力谷新片，除咗金秀賢出演人氣綜藝節目《無限挑戰》外，三人早前亦上咗KBS綜藝節目《電影真好》受訪。

Sulli喺節目上仲大方談及同金秀賢嘅吻戲，誇讚呢場吻戲有「100分」，身旁嘅金秀賢即搞笑高呼「Yeah」，笑爆全場。

不過當提到喺劇集《製作人們》中金秀賢同車太鉉一場吻戲時，當時車太鉉受訪仲話感覺好好，成東日聽到後就好大反應，仲反問金秀賢：「乜你同太鉉都拍過？你原來咁隨便，點解唔同我拍呢？」令到金秀賢都唔知點答好。