【李八方online】仇B眾籌私人檢控濫暴警 短短1日收逾48萬 望1周達標
抗暴之戰仇栩欣李八方online警暴私人檢控
北角城市花園選區區議員仇栩欣早前脫襲警罪，並喺噚日開始發起眾籌反告警濫暴，希望籌到110萬元向涉案警提出私人檢控。短短一日嘅時間，截至今日下午5點，總共有1,147人捐款，籌得約48.5萬。八方問過仇B，佢話感激市民支持佢彰顯公義，希望眾籌可以喺一星期內達標。
舊年8月11日，仇栩欣直播白衣人喺北角打示威人士嗰陣，俾警方拘捕，仲告佢襲警。經過長時間審訊，法庭終於還仇B清白，裁判官仲話警方係「大話冚大話」，對警員使用不當武力表達關注，而仇B則發起眾籌擬向涉案警員提出私人檢控。
佢回應八方時指，眾籌數字反映市民撐佢以私人檢控作反擊，佢話會保持樂觀態度，希望一星期內可以眾籌達到110萬嘅目標。
被問及成功提出私人檢控的機會率，佢話佢同法律團隊都覺樂觀，因為法庭都已經明確指出警員有使用不恰當武力，強調法律團體一直做緊嘢；但若然唔成功，佢話都會將眾籌所得嘅扣除法律開支，捐返畀612人道支援基金，支援返啲同路人。
-----------------------------
英文版已登錄《蘋果》App，立即 下載/ 更新 ： iOS / Android
-----------------------------
《本土情味》結集《飲食男女》雜誌經典欄目「老字號」文章，記錄 香港 40家飲食老店的動人故事，見證香港飲食史的甜酸苦辣。即日起，於各大便利店及書報攤有售，並於 《蘋果日報》你的優惠 網上獨家發售！