當年今日

【騎師賽次關】間接令韋達勒避屈居亞軍!
莫雅毋懼撞衝輕勝

蘋果日報 2016/12/08 00:00


這晚國際騎師錦標賽次關,第五場四班一哩,由三位選手莫雅、韋達及莫雷拉順序跑入前三名,分別於騎師賽獲12、6、4分。

其中英國代表莫雅策騎苗禮德馬房「事勝意」大熱掄元,五歲馬抽到配呢位天下第一高手,即以超班姿態大勝,為馬兒打開在港勝門,單Win及組合獨贏A1分別派26.5及21元。

今次同時係莫雅連續第二年贏騎師賽次關,去年佢騎賀賢馬房「開心健康」,同日本代表戶崎圭太所騎的「千真萬確」成為平頭冠軍,「開心健康」、「千真萬確」今場都有份跑,但就分別在雷景勳及潘頓胯下前四名不入。反而由莫雅首次操刀的「事勝意」,沿途前置守好位,形勢主動,直路火速望空一衝過晒,五歲新西蘭自購馬第17次在港上陣,終於打開勝利之門。