楊洛婷日前在養和順產6磅半女兒Tanya Faith Wong，老公黃天翱（Tim）昨日到醫院接太太和女兒出院，BB已吃奶睡了。兩人接受訪問，楊洛婷貪靚得穿上3吋高跟鞋。Tim提早完成電影拍攝，演唱會改期，所以能看見女兒出世，楊洛婷爆老公在產房拍片時緊張：「當我push緊，BB個頭出緊嚟，我就叫老公拍片，佢仲問我得唔得。我知呢刻唔可以miss，仲hold住唔push。BB出世我大叫，開心到好似開party。」

中文名老爺操刀

Tim指要習慣湊小孩，暫時未想到怎麼獎勵太太，他們計劃聖誕節到美國及加拿大探親。楊洛婷指母親已立即訂機票回港見孫女：「老爺噚日就見咗孫女，佢望完之後再決定改中文名。」她指英文名Tanya是兩夫婦英文名結合，而Faith則寄望女兒做事有信念。楊洛婷指餵人奶，女兒成日嘴嘟嘟：「佢好得意，嘴唇厚，食奶時都用力啜。老公聽到阿女喊聲話好嗲，仲成日喺手機聽番喊聲。」問到會否急收身，楊洛婷指：「都想快啲收身，但最重要BB健康。」他們笑言可以下個月開始追仔，Tim得戚說：「我幾時都準備好。」
採訪：王連連
攝影：陳順禎