韓國綜藝節目《孝利的民宿2》噚晚播出最新一集，當中於上一季做打工妹嘅「國民妹妹」IU，同李孝利、李尚順夫婦進行視像通話，IU突然出鏡令觀眾相當開心。

節目拍攝當日IU喺音樂頒獎禮上獲得最高殊榮嘅大獎，所以李孝利、李尚順夫婦就打電話祝賀IU，兩人又表示好掛住IU，但都不忘大讚新打工妹允兒做得好，李孝利更笑言允兒生得夠高可以幫佢拎嘢，引起爆笑。

另外，一對姊妹客人之前透過節目表示有一個患上唐氏綜合症嘅哥哥，而該對姊妹離開民宿前寫咗信畀允兒及李孝利、李尚順夫婦，雖然節目冇公開到信嘅內容，但李孝利及允兒就睇到忍唔住喊，似乎相當感觸。

更多韓流，喺晒《娛果》
http://fb.com/appledailyent