現時冠軍練馬師之爭充滿變數，事關剛周三（24日）夜賽呂健威四Win，現時同帶頭之姚本輝只差兩Win。

到底姚本輝能否抵擋得住猛烈攻勢初嚐冠軍滋味？相信未到最後一刻難有答案。

即使現時以57Win守住第三位的告東尼，仍有機會後上一鞭過頭，從而奠定勝局。

距離馬季終結剩餘六次賽馬，呢兩期對告仔嚟講將係關鍵，事關進一步被扯開距離想要追便加倍困難。

再睇告仔呢兩期所出嘅馬，佢自己亦深諳箇中道理。

始終現時叮噹馬頭中，惟有告仔攞過兩屆冠軍練馬師，部署起嚟會較有經驗。

周六（27日）田戰，告仔11駒中有六駒用田泰安，交畀佢騎嘅第五場四班1650米泥地「天天精彩」、第十場二班1400米草地「電路三號」都係當銳馬。

至於第六場四班1400米草地「綫路勇駒」，上仗沿途三叠望空至僅輸畀「鎧運之星」，蝕少啲根本已贏咗，今場執個5檔冇理由又走外叠啩？

仲有第二場四班1200米草地「龍鑽輝煌」亦要小心，呢匹三歲澳洲自購馬轉眼減到49分，同初到港時68分搣走19分咁多。

匹馬到底係咪真係咁差？相信今場會搵到答案。

另外配巫顯東第八場三班1650米泥地「加州銀晉」，何澤堯騎第七場三班2000米草地「興惑」亦咪睇輕。

「加州銀晉」再等泥地一哩繼續叫糊，「興惑」跑跑吓個分又重返贏馬時68分，喺從化吸完靈氣返嚟大變身絕對唔奇！

講番告仔下周三7.1田戰陣容，「加州神箭」、「風雨駒」同「愛馬劍」都係減夠分的尖兵，只要今期入番三幾粒，跟住條路就會好行好多。

--------------------------
邊個話財不入急門？
需要周轉嘅時候幫到手，先叫做應急囉！
邦民日本財務急你所急，只需要一個手提電話號碼同一張身份證 ^# 就可以申請貸款。
新客仲有迎新現金獎高達HK$3,500 ^▲ 添！
貸款額全數過戶，絕無手續費。
立即申請 : https://bit.ly/2ANcJlS

須受條款及細則約束，詳情留意邦民日本財務(香港)網頁。
忠告：借錢梗要還，咪俾錢中介
放債人牌照號碼：1140/2019
查詢及投訴熱線：3199 1199