跑開有好表現嘅馬，臨唞暑仍安排試閘，十之八九擺明會繼續出擊，希望贏多一場先收爐。好似羅富全馬房的84分二班馬「載譽歸來」，剛周五(21日)便出試1200米泥地大閘，備戰完全沒有鬆懈，馬兒將於7月3日作今季最後一擊。

講番剛周五該課大閘，「載譽歸來」在羅富全徒弟陳嘉熙胯下沿途居前，直路保持勁勢，輕鬆跑第一，體力及狀態俱毋庸置疑。

4歲澳洲自購馬「載譽歸來」今季抵港後表現甚出色，至今4戰得1冠3亞全入Ｑ，反映質素高且適應水土快，性格亦十分忠心。不過上仗谷草1200米配田泰安所拼入的一席亞軍，走來流於有點均速，輸給「怡昌寶寶」兩馬位，談不上威脅很大，所以有見及此，羅富全表示將安排「載譽歸來」增程角逐7月3日谷草二班1650米，估計更合牠的腳法，屆時多數會改由潘頓操刀。

「載譽歸來」由1200米跳上改跑一哩，絕非博博吓而是有根據，牠在港雖只跑過1200米，但在澳洲蘭域曾由布文勝出1600米，長力其實毋須懷疑。

-----------------------------
7月4日起 《蘋果動新聞》只限升級壹會員閱覽
繼續撐蘋果！
https://hk.adai.ly/e/iIRREmuwDX