有政界人士對季陶說，外界一直以為阿爺為2017年特首普選定出高提名門檻，無非為阻泛民候選人參選，實情是要防泛民之餘，也要防建制派，萬一有人不聽號令，堅持要參加特首普選的話，有可能連高提名門檻也未必阻到他們。事實上，在今年的特首選舉中，挺唐及建制陣營幾乎成功策動流選，打亂北京部署，中央最高層最終能把反對聲音壓下來，令疑似「第三候選人」知難而退，但已經令阿爺明白，要阻泛民參加普選特首難，要阻「反叛」建制派選特首就更加難。
所以該政界人士聽到一個說法，有人向阿爺獻計，2017年特首普選參選門檻不單只要高，「而且要高到等同一道門，阿爺可以決定邊個可以選、邊個唔可以選，到時唔止阻泛民參選，連建制派都冇得唔聽話，唔理中央指示，自己推個人出嚟選」。
有泛民中人對季陶稱，據聞有關建議頗受阿爺陣營內的鷹派支持，「所以我哋咪笑長毛，使乜再為政改搞五區公投！根本冇可能支持，否決咗佢就算，連公投都唔使喇！」
季陶