過去30多年來,崔嘉寶仍有跟移居西班牙的Robin及其他港姐保持聯絡。崔嘉寶跟老公周文曦認識,也是因為同屆港姐朋友做媒:「嗰陣我拍緊《金牙大狀》第一集好忙,朋友話有男仔介紹我識,咁就抽個時間食飯,之後一齊去卡拉OK。去到朋友無端端叫我坐嗰邊,原來佢介紹嗰個男仔(周文曦)出嚟,似係焗我去相睇。」
原來周文曦曾經在一間coffee shop見過崔嘉寶,對她一見鍾情:「佢對我好有印象,但唔知我係演員,有一次佢喺雜誌見到我,就同個朋友講『我嗰日見到就係呢個女仔喇!』朋友嘅女友就係我以前選港姐個朋友,所以就搵我女朋友叫我出嚟。」