【韓流】宋仲基腳傷痊癒後演出《RM》
蘋果香港韓國韓劇RunningMan即時宋仲基綜藝節目RMSBS太陽的後裔2016微笑杯中韓全明星慈善賽
韓國綜藝節目《RunningMan》(RM)成員前日於上海參加「2016微笑杯中韓全明星慈善賽」,而韓劇《太陽的後裔》男星宋仲基亦有出席,由於久別重逢,宋智孝更肉緊攬實宋仲基,令粉絲好奇宋仲基幾時會再演出《RM》。
《RM》節目組今日表示:「成員前日喺上海參加慈善足球賽後,翌日就投入到特輯嘅拍攝,好開心於行程緊湊嘅情況下,成員跟工作人員互相配合,完美完成拍攝工作,而成員於特輯中展現出不同嘅面貌,同時都係節目組跟成員嘅全新嘗試,請多多期待。」
提到跟《RM》成員非常老友嘅宋仲基,節目組表示:「成員係足球賽當日見到宋仲基,但由於宋仲基腿傷仲未復原,因此無法參加本期上海特輯嘅拍攝,而成員今次見到宋仲基都激動地一一擁抱,宋仲基仲跟我哋約定,腿傷痊癒後一定會參加《RM》嘅節目錄製。」而《RM》嘅上海特輯將於24日及31日連續兩星期播出。