周五嘅澳職獨腳戲，阿德萊德聯喺下半場踼多一人嘅情況下，主場大勝紐卡素噴射機5:2，後者要鎖定聯賽第二位直接晉身季後賽四強仲要等等。

賽前聯賽排第二位嘅紐卡素噴射機今場只要攞到一分，就可以鎖定晉級季後賽四強嘅資格。不過主隊嘅德國中場艾隆上半場連入兩球，已經將噴射機團火淋熄。

雖然換邊後噴射機憑簡達路夫斯基追成1:2，不過阿德萊德聯之後喺三分鐘內有賴恩基圖同阿比沙朗臣各入一球，再將比數拋離至4:1。

噴射機中場積臣荷夫曼喺78分鐘兩黃一紅被逐，不過無阻兩軍繼續上演入球騷，卡禾斯域喺79分鐘為阿德萊德聯射成5:1；而噴射機喺89分鐘就靠簡達路夫斯基再入一球射成2:5，算喺執返個尾彩。

--------------------
永不獨行！利物浦 FC 當季球星降臨《BFB》！立即帶領紅軍，創造新輝煌！ http://bit.ly/2oQObi1