羅力威和太太雨僑今日在中環出席同樂日，而羅力威爸爸就為活動參加獨木舟環保籌款挑戰，最後籌得6萬港元。

這次獨木舟挑戰由東涌出發，由於天氣不穩，令羅力威有點擔心：「天氣令到件事難上加難，雖然知道間中有雨，但估唔到咁大風，不過其實唔係大風，都係可以接受範圍內；今次由東涌出發，噚晚要喺長洲過一晚，好彩太太係長洲人。」雨僑說：「我堂哥、伯娘一家接應咗佢，其實兩年前，佢都做過類似嘅活動，圍繞咗大嶼山一個圈，所以對佢嘅能力係有信心，但對於天氣係擔心，我能夠做到嘅就係，佢能夠停到埋長洲，我就安排到佢過夜，佢真係好犀利。」羅力威指爸爸曾做手術，切除癌症部份（20年前確診肝癌），後來羅爸爸沉醉於大自然，閒時會划獨木舟和踩單車，是一個健康的老人家。

今天是羅力威和雨僑結婚一周年，雨僑笑言仍未收到禮物，羅力威說：「爸爸都攰，我諗我哋去行街食飯。」問到這一年的婚姻生活，最難忘是甚麼？雨僑說：「時間過得好快，我哋之前儲錢好慳，好多年冇去旅行，今年去旅行就來得自然，去咗幾次，呢個比較開心；其實儲錢都係樂趣，從中會發現我哋需要嘅嘢係好無謂，之前清屋都清咗好多嘢，製造咗好多垃圾。」羅力威突然甜笑說：「我老婆真係好叻！」搞到雨僑立即冧笑。現時已有樓在手，下一步就是生小朋友？羅力威說：「我哋不嬲都有諗，呢幾個月係有諗，會係順其自然，我哋結婚前都做過身體檢查，確保生BB係OK，最擔心就係湊大小朋友、邊度讀書、點樣教佢成為一個好人。」

《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw
-----------------------------
《動腦Q》周末主題夜
追加星期六、日 9:30 pm
星期一至五 10:30 pm
Day Day Q the money!
https://hk.adai.ly/veCxssynnV