韓國男團BIGBANG隊長G-DRAGON（GD）自從同日籍女模水原希子散咗後，之前佢有傳過同少女時代嘅泰妍喺網上傳情，之後又傳佢同日本片《渴罪》20歲女主角小松菜奈撻着，事關小松菜奈一向喺BIGBANG嘅粉絲，當中特別迷GD，佢哋上個月仲被發現一齊喺日本鋸扒又嘆紅酒，撐枱腳食足3個鐘，令呢啲緋聞更加似層層。

近日網民仲發現佢哋疑似相戀嘅證據，話佢哋戴上同類白色手帶，令唔少網民留言估計佢哋會唔會真係撻着，有粉絲就話如果係真就會好傷心，又話手帶只係類似，唔代表就係情侶手帶。