近年圈中生仔潮未停過，連41歲「電波少女」出身嘅姚樂怡都趕住生B！

據悉樂怡已懷孕兩個半月，但因為怕小器，所以一直冇向外公開；但紙包唔住火，上周五樂怡約咗洪天明、三哥苗僑偉、陳山聰等食飯，有眼利網民見到全身黑色打扮嘅樂怡，明顯肥咗一個碼，直板腰兼驚現巨躉，影大合照時更不經意用手遮肚，網民直說﹕「你懷孕了....恭喜恭喜。」記者致電樂怡求證，佢都冇否認，只賣關子話﹕「遲啲先講。」

其實樂怡一直好恨生B，因為成班好姊妹湯盈盈、鍾麗淇、周家蔚同文頌嫻輪住嚟生，加上姚樂怡老公Alan係圍村人，傳宗接代有一定壓力。

而今個月初，盈盈生日搞咗個遊船河派對，同另一位大肚婆鍾麗淇齊齊上船暢玩一番；但平時例必現身的樂怡，可能擔心BB未陀定亦乖乖留在家中安胎，為做好媽媽作好準備。