今次日馬（24日）編跑十場，兩場泥地八場草地，用全闊A跑道舉行，踏入季尾開始倒數第七戰，今期是第82次賽事，報名馬疏落，勤拼馬已現疲態，大家都各無把握，便經常爆冷。四個未贏夠16場達標馬房，李、鄭、麥及告廐，今期都有實力馬參戰，戰意不用懷疑，但不應過份追捧。

第十場二班草地1400米：「美麗寶貝」忠心準繩，季內用得唔多，中途曾經休息過，今次是休後復出的第三仗，而相距上仗有近個半月時間，在季尾階段，體力上絕對佔優。上仗在同程負重磅，跟「志同道合」纏鬥僅敗，後駒最近在1600米力撼「精明才子」，可見該役賽績水準甚高。

今回唞夠再操足而來，埋門6月15日試大閘，末段自動加速湧上，走勢極吸引，當銳馬狀態無懈可擊。雖然今仗對手都唔簡單，但孭輕磅形勢大好，排檔也理想，有分頭更值得一博。

「以奇用兵」季內跑五場全勝，是未敗之師，今次相隔四個多月復出，體力佔優，期間操練足夠，試大閘取勝姿態甚輕鬆，出戰首本路程，將會是今場擂台躉，但賠率會偏熱，與「美麗寶貝」鬥進度，揀Win投注以後駒較值搏。

「錶之太陽」三歲自購馬精英，初出七八成馬都贏，上仗增程1400米，再輕勝而回，復課勤操進度更佳，試閘大把在手，上二班應該無難度，「錶」系馬逢出必搏，可放心追捧。

「世界紀錄」實力見盡，勝在馬弗演出準；「協勝神駒」韁口脾氣續改善，都可以爭位。