今期三T有347萬多寶累積，馬會預計若然只有10元一注獨中正獎，彩金可高達700萬。近期三T頭關嘅2號馬簡直如有神助，連續四次賽事上名，取得一冠兩亞一季，明日第四場2號馬「真如燕」剛於泥地短途入位，今次再跑同程，當然唔可以睇小；至於次關，安國倫近四匹座騎有三匹入圍，第五場佢接手「千杯豪情」，提防如廐侶「辣得醒」般換人贏馬；至於尾關，潘頓近八匹三T尾關座騎，豪奪兩冠兩亞三季，僅一次不上名，明日第六場潘頓續替「寶樹高盈」執韁，未交代馬出王牌轉配備再戰，鬥志鮮明。