韓國育兒綜藝節目《超人回來了》今日播出咗最新一集，而今集講到國腳李同國帶埋5個仔女去韓國全州市比賽，更邀請埋李輝才嘅雙胞胎同奇太映愛囡一齊去睇比賽兼去玩，加埋足足有8個小朋友，認真熱鬧！

當中李輝才嘅雙胞胎仔仔書言同書俊，就俾老竇落Order，要孖住李同國嘅雙胞胎囡囡雪雅、秀雅去附近嘅超市買嘢，而大發BB同奇太映愛囡露熙就因為年紀太細要留低。唔知係咪因為大發BB係家中最細，都好想有細佬妹，節目中見佢相當鍾意露熙，成日圍喺露熙身邊，兩人關係亦變得相當好，大發BB更錫咗露熙額頭一啖，十分搞鬼，及後三個家庭就去咗玩水消暑，相當興奮。