昨日香港股市跌破萬二點，適逢一向被股民視為剋星的鄭少秋（秋官）舊劇《楚漢驕雄》，於本月初開始在無綫的上午時段重播，而秋官愛女鄭欣宜首次擔正的新處境劇《畢打自己人》又於上周一播出，難怪有網民指秋官又發揮其「丁蟹效應」功力，就連欣宜也慘成箭靶，被指秋官父女聯手掃冧股市，致近日股市狂瀉。

父女劇集同期播

記者昨日致電秋官，他笑說：「我仲以為今次唔關我事㖭，個舊劇重播咁犀利，咁有影響力呀？我自己冇乜點買股票，少少都有嘅，趁低吸納都好喎，我都想執番啲滙豐。」對於有網民指欣宜新劇推出，父女一起引發股市狂瀉，秋官笑說：「乜咁叻呀？佢都成為話題呀？咁好幻想力㗎！」
無綫上周推出多套新劇，《畢打自己人》首周收視26點（約163萬人收看），首次拍劇的欣宜再被投訴，無綫外事部副總監曾醒明昨表示收到六宗投訴，指欣宜演技不好及誇張，曾醒明說：「欣宜都係第一次拍電視劇，觀眾應該畀機會佢，無綫對佢演戲有信心，佢應該會越做越好。」
採訪：林妃、楊潔雯