賭王何鴻燊四太梁安琪、荷李活動作影星尚格雲頓（Jean-ClaudeVanDamme）、周麗淇、鍾欣潼（阿嬌）、汪詩詩和梁烈唯等，今晚出席中環四季酒店舉行嘅「2015芭莎藝術之夜」，現場仲有慈善拍賣。

有報道指四太幼子何猷君，被爆與新加坡歌手Yumi撻着，但兩人被第三者介入分手，有指Yumi暗撻前A&F男模郭子豪，不過後來被踢爆遭撬牆腳嘅，反而係猷君哥哥猷亨，有指係猷亨女友Sabrina，被郭子豪搶走先真。

四太到場後被問到囝囝遭撬牆腳一事，四太聞言表示：「我唔清楚，今次我為安老服務籌款，今晚有拍賣，我都係等傳媒消息（指兒子戀事），係咪為籌款炒作吓。」

兩母子平日可會傾心事？四太爆料：「佢（何猷亨）自己話0依家空白，全力以赴工作，佢放埋一邊，努力做嘢，佢一陣會嚟，你哋自己問佢。」後日係白色情人節，四太同賭王有慶祝嗎？佢就話：「乜嘢法式，我未聽過白色情人節，又西人，又中國，開心日日都係情人節。」