【韓流】不倫戀終於斬纜?金敏喜洪尚秀傳分手
不倫戀金敏喜洪尚秀下女誘罪
韓國柏林影后兼韓片《下女誘罪》36歲女星金敏喜,前年同已婚嘅導演洪尚秀發展不倫戀,兩人唔理世俗眼光,更曾手拖手喺韓國見傳媒,去年3月公開戀情。
不過今日韓媒就報道金敏喜同洪尚秀已分手收場,兩人已分手一個月。事實上,洪尚秀多齣電影都由金敏喜擔正做女主角,兩人亦因頻頻見而撻着,當日金敏喜不顧做小三戀洪尚秀,令佢形象大跌,洪尚秀妻子更力數金敏喜搶人老公,指洪尚秀為金敏喜拋妻棄女,現時洪尚秀同妻子正為離婚事宜打官司,原定嘅第二次訴訟喺今個月23號進行。
隨後有相關人士透露金敏喜跟洪尚秀未分手,又表示曾見到二人上月一齊現身柏林影展,而韓媒《Dispatch》亦公開咗兩人上月28號喺韓國京畿道河南市某購物中心約會時被捕獲嘅照片,兩人均戴上口罩遮樣,據悉金敏喜父母正係住喺河南市。
更多韓流,喺晒《娛果》
http://fb.com/appledailyent