一身黑衣嘅曾志偉今日到澳門出席活動，直言支持TVB職員協會發起之黑衣行動，更表示無綫不應裁快將退休之員工，應另覓職位俾佢哋，毋須去到裁員呢一部。

志偉受訪時，被問到是否覺無綫不近人情？佢就話:「其實我覺得幾可惜嘅，可能大家冇共事過，冇嗰份感情。」是否暗示緊余詠珊？志偉即謂:「冇話矛唔矛頭嘅!大家始終都係為TVB出力，不過都係希望幫番一啲舊員工，所以今日只能著衫支持佢哋。」

再問道今次感言，是否因為余詠珊炒晒唔係佢嘅人所致？志偉再謂:「第一波就炒咗五十人，希望唔會有第二波囉。之前請都請咗百幾人，點會係因為生意唔好同埋廣告萎縮呀？」