蔡卓妍（阿Sa）、余香凝、曾美慧孜同獲提名應屆金像獎最佳女主角，這三位競爭對手，噚晚到觀塘出席「香港電影工作者總會2019年春茗晚宴」，大會主題為「聲影夢飛翔」，同場嘉賓還有惠英紅、吳鎮宇、黃秋生、周家怡、胡定欣、胡子彤等。

阿Sa透露正為金像獎頒獎禮物色戰衣，但未有心水，最重要是靚。問到會否訂造服裝？她直言：「係靚嘅！但好多人都唔識欣賞，又要睇牌子同行頭，好膚淺，但冇法，我都要隨波逐流，老闆娘次次都好幫忙，喺保險箱拎好多名貴珠寶畀我揀。」對得獎有幾大信心？阿Sa坦言：「我會恭喜其他入圍演員，我答你冇信心就好假，有信心又好唔謙虛，所以我都唔識答喇！」曾美慧孜呼聲很高，被指是阿Sa的勁敵，她說：「我冇睇過佢部戲，只睇過張靜初，不過入得圍已經好好。」阿Sa再兜圈讚自己：「咁我都OK㗎！」是否很渴望得影后？阿Sa說：「我話唔恨就呃你嘅，呢個係演員終極目標，但我唔會為攞獎拍戲，演好角色係最基本。」

至於阿Sa勁敵曾美慧孜亦坦言有信心得獎：「私下蠻有的，跟一眾優秀的女演員分享金像獎的時刻，很開心，非常興奮、非常感謝，首次當女主演，算是在港出道吧！多謝陳果（導演）和香港，心情當然是很激動，希望有更多拍攝機會。」外界認為她是阿Sa的最大對手，曾美慧孜亦認同，並笑言：「是呀！我很喜歡聽她的歌，《下一站天后》是我會完整唱完的廣東歌。我非常喜歡天后站，坐地鐵時下一站是天后，感覺特別好。」

惠英紅表示正在挑選金像獎戰衣：「我嘅幸運顏色係黑色，着黑衣衫都有機會，嗰啲懶青春紅色、雜色就唔得。」小紅姐曾說過如果得獎便會「派福利」着比堅尼泳衣，問到會否先影好作準備？她笑說：「之前影過輯，大家未睇過，我有存貨，大家唔使擔心。我都好耐冇着三點式，細個時鍾意游水、滑水都唔會着三點式，都係一件頭方便。」

小紅姐透露年青時有次和弟弟到科大對出的海域游水和釣魚時見到鯊魚：「條鯊魚大過我哋隻機尾船，真係好驚，圍住我哋隻船游，細佬救咗我，因為我初時唔知係鯊魚，後尾至知佢圍住我哋轉係打算食我哋，驚到即刻走。自始我就冇落過海，就算去外地都唔敢，事發後兩日新聞話科大外有鯊魚咬人，所以我都好驚，就算夜晚喺泳池游夜水，着晒燈我都會驚，因為試過見到水蛇。」

精選娛聞，喺晒《娛果》
http://fb.com/appledailyent

第二屆最港電影大獎投票網址
https://bit.ly/thekongestfilmawards2018

3月7日《動腦Q馬拉松》
一日玩11場 全日派22萬
12:30pm-10:30pm
Let's QQQQQQQQQQQ the money！
http://bit.ly/2ICO2Mb