【考慮復出？】息影堀北真希傳獲斟拍月9劇
蘋果日報 2018/06/07 14:00
堀北真希息影山本耕史
堀北真希去年宣佈引退演藝界，專心做個賢妻良母。
日本息影女星堀北真希自從閃嫁《同一屋簷下》男星山本耕史後無心戀戰，更於去年宣佈引退演藝界，專心做個賢妻良母。
月前，堀北真希被拍到偕丈夫現身惠比壽一間高級燒肉店，相約布袋寅泰及今井美樹兩夫妻飯局，堀北打扮樸素與當紅時相比明顯星味大減，不過，近日就有傳堀北喺飯局上傾到有關復出嘅話題。據指布袋寅泰勸堀北於小朋友大個後，可以考慮復出，堀北聽到後都好開心咁話有電視台搵佢拍劇，布袋更指佢哋兩夫婦可以為堀北創作劇集主題曲。
報道指現時係富士電視台斟堀北拍月9劇，而當初係因為堀北與事務所關係差，佢先於婚後疊埋心水引退，所以復出機會都唔係冇，而如果堀北真係復出，就可能會加盟丈夫山本嘅個人事務所。
精選娛聞，喺晒《娛果》
http://fb.com/appledailyent
堀北真希有傳獲斟拍富士電視台月9劇。
月前，堀北被拍到與丈夫山本耕史（右二），與布袋寅泰及今井美樹兩夫妻飯局。