騎師梁家俊今期沙田日賽復出，今日（1日）排位朝都見佢好積極操馬。約七點半操「機緣再現」出圈，試後番機坪仲見到練馬師李易達響度等馬，兩位騎練之後又傾咗好耐，擺明有搏殺之意。

「機緣再現」上季尾三連捷皆由梁家俊操刀，人馬合拍到不得了，上仗在泥地一哩放入第三，經已試準長力，今次三班1650米泥地回配最佳拍檔有力打開今季勝門。